உயிரிலே எனது உயிரிலே

படம்: வேட்டையாடு விளையாடு


இசை: ஹாரிஸ் ஜெயராஜ்

பாடியவர்கள்: மகாலட்சுமி, ஸ்ரீநிவாஸ்


உயிரிலே எனது உயிரிலே


ஒரு துளி தீயை உதறினாய்

உணர்கிறேன் எனது உணர்விலே

அணுவென உடைந்து சிதறினாய்

ஏன் என்னை மறுத்துப் போகிறாய்

கானல் நீரோடு சேர்கிறாய்

கொடுத்ததாய் சொன்ன இதயத்தை

திருப்பி நான் வாங்க மாட்டேனே....

(உயிரிலே..........)



அருகினில் உள்ள தூரமே

அலைகடல் தீண்டும் வானமே

நேசிக்க நெஞ்சம் ரெண்டு

போதாதா போதாதா நீ சொல்லு

நேசமும் ரெண்டாம் முறை

வாராதா கூடாதா நீ சொல்லு

இது நடந்திடக் கூடுமா

இரு துருவங்கள் சேருமா

உச்சரித்தே நீயும் விலக

தத்தளித்தே நானும் மருக

என்ன செய்வேனோ...?

(உயிரிலே...........)



ஏதோ ஒன்று என்னைத் தடுக்குதே

பெண்தானே நீ என்று முறைக்குதே

என்னுள்ளே காயங்கள்

ஆறாமல் தீராமல் நின்றேனே

விசிறியாய் உன் கைகள்

வந்தாலும் வாங்காமல் சென்றேனே

வா வந்து என்னை சேர்ந்திடு

என் தோள்களில் தேய்ந்திடு

சொல்ல வந்தேன்

சொல்லி முடித்தேன்

வரும் திசை பார்த்து இருப்பேன்

நாட்கள் போனாலும்.......

(உயிரிலே..........)